ប័ណ្ណនិម្មិតវីសា ស្ថាបនា គឺជាប័ណ្ណប្រភេទ ប័ណ្ណវីសាឥណពន្ធមានលក្ខណៈជារូបភាពលើអេក្រង់ទូរស័ព្ទដែលអាចបង្កើតបានភ្លាមៗ។ ប័ណ្ណនេះមានលក្ខណៈសម្បត្តិដូចប័ណ្ណវីសាទូទៅ និងអាចប្រើប្រាស់បានដូចប័ណ្ណផ្លាស្ទិកដែរ គ្រាន់តែគ្មានរូបរាងមិនអាចកាន់ ឬប៉ះបានតែប៉ុណ្ណោះ។ លោកអ្នកអាចធ្វើការទូទាត់ និងបញ្ជាទិញទំនិញតាមអនឡាញ ដែលផ្តល់ភាពងាយស្រួល និងសុវត្ថិភាពបំផុត។
លក្ខណៈពិសេស និង អត្ថប្រយោជន៍
- មិនមានសេវាប្រចាំឆ្នាំ និងឥតគិតថ្លៃសេវាចេញប័ណ្ណ
- បង្កើតបានភ្លាមៗ មានលក្ខណៈជារូបភាពលើអេក្រង់ទូរស័ព្ទ
- មានសុវត្ថិភាពខ្ពស់ក្នុងការទូរទាត់លើអនឡាញ
- លោកអ្នកអាចបង្ខាំង ឬ ដាក់ដំណើរការប័ណ្ណគ្រប់ពេលវេលា
- ទទួលបានសារជូនដំណឹងរាល់ប្រតិបត្តិការលើប័ណ្ណ
- ប្រតិបត្តិការសង្ខេបនៅលើកម្មវិធី Sathapana Mobile
តើប័ណ្ណនិម្មិតដំណើរការយ៉ាងណា?
បន្ទាប់ពីការស្នើសុំបង្កើតប័ណ្ណនិម្មិត យើងនឹងបង្កើតលេខកូដ និងព័ត៌មានរបស់ប័ណ្ណនិម្មិត ដែលអនុញ្ញាតឲ្យអ្នកធ្វើការបញ្ជារទិញ ឬ ទូទាត់តាមអនឡាញ ដោយមិនចាំបាច់បង្ហាញព័ត៌មានគណនី ឬព័ត៌មានលម្អិតរបស់កាតឡើយ។អ្នកគ្រាន់តែកំណត់ចំនួនបញ្ជាទិញប្រចាំថ្ងៃរបស់អ្នក ជាការស្រេច។
របៀបបង្កើតប័ណ្ណនិម្មិតតាមកម្មវិធី Sathapana Mobile
១. ចូលទៅកាន់ “Sathapana Mobile”
២. ជ្រើសរើសមីនុយ “ប័ណ្ណ”
៣. ជ្រើសរើស “បង្កើតប័ណ្ណឥណពន្ធនិម្មិត”
៤. ជ្រើសរើស គណនី សម្រាប់ភ្ជាប់ទៅជាមួយប័ណ្ណវីសានិម្មិត
៥. អាន និង យល់ព្រមតាមលក្ខខណ្ឌ
៦. បំពេញលេខសំងាត់
៧. ប័ណ្ណនិម្មិតត្រូវបានបង្កើតដោយជោគជ័យ
លក្ខខណ្ឌ និងកម្រៃសេវា
រូបិយប័ណ្ណ | ដុល្លារ អាមេរិក |
ប្រភេទគណនី | ជារូបិយប័ណ្ណដុល្លារអាមេរិក ជារូបិយប័ណ្ណរៀល រូបិយប័ណ្ណថៃបាត ជារូបិយប័ណ្ណយ៉េន |
ប្រភេទប័ណ្ណ | វីសា |
សេវាចេញប័ណ្ណ | ឥតគិតថ្លៃ |
ចំនួនប័ណ្ណស្នើសុំ | ៥ប័ណ្ណក្នុងមួយគណនី ក្នុងកម្មវិធីទូរស័ព្ទចល័តរបស់ស្ថាបនា |
ប័ណ្ណបន្ថែម | មិនមាន |
ទំហំសាច់ប្រាក់ប្រើប្រាស់ច្រចាំថ្ងែ | រហូតដល់ ៥,០០០ ដុល្លារ |
សុពលភាពប័ណ្ណនិម្មិត | ១ឆ្នាំ |
ថ្លៃសេវាប្រចាំឆ្នាំ | លើកលែងកម្រៃសេវា |
អត្រាការប្រាក់ | មិនមាន |
គន្លឹះសំខាន់
ខាងក្រោមនេះជាចំណុចសំខាន់ៗមួយចំនួនដែលជួយការពារអ្នករាល់ពេលធ្វើការទូទាត់តាមអ៊ីនធឺណិត៖
- ត្រូវប្រាកដដោយខ្លួនអ្នកថាអ្នកបានស្គាល់អ្នកជួញដូរតាមអ៊ីនធឺណិត ហើយបានដឹងពីកេរ្តិ៍ឈ្មោះរបស់គេថាល្អត្រឹមត្រូវមុនពេលបើកបង្ហាញព័ត៌មានលម្អិតនៃកាតរបស់អ្នក។ ដើម្បីការពារប្រាក់របស់អ្នកយើងសូមណែនាំឲ្យអ្នកទិញតែទំនិញពីហាងល្បីៗមានប្រភពនិងពីពាណិជ្ជករដែលគួរទុកចិត្តបានប៉ុណ្ណោះ។
- មុនពេលដែលបញ្ចូលព័ត៌មានលម្អិតអំពីកាតរបស់អ្នកនៅលើអ៊ីនធឺណិត អ្នកត្រូវប្រាកដថាអាសយដ្ឋានគេហទំព័រចាប់ផ្តើមដោយ (https://) មានន័យថារាល់ព័ត៌មានដែលបានបញ្ចូលត្រូវបានការពារដោយលេខកូដបិទនិងមិនអាចថតទុកដោយជនខិលខូច។
- សូមកុំធ្វើការឆ្លើយតបទៅអ៊ីម៉ែលណាដែលសុំឲ្យអ្នកបញ្ជាក់ព័ត៌មានកាតរបស់អ្នកឬឈ្មោះប្រើប្រាស់ និងលេខសម្ងាត់ដែលអ្នកបានចុះឈ្មោះប្រើសេវាណាមួយតាមអនឡាញ។
- យើងសូមណែនាំឲ្យអ្នកទិញទំនិញនៅតាមហាងណាដែលគេហទំព័ររបស់ហាងមានស្លាកសញ្ញា “Secure Code និង 3D-Secure“ ដែលចេញដោយវីសា។ ទាំងនេះជាប្រព័ន្ធទំនើបចុងក្រោយបំផុតដែលជួយការពារសុវត្ថិភាពរាល់ពេលផ្ទេរទិន្នន័យ និងទូទាត់នៅតាមអ៊ីនធឺណិត។
សូមចងចាំថាធនាគារ ស្ថាបនា មិនដែល ហើយនឹងមិនធ្វើការស្នើសុំ លេខ និង ព័ត៌មានពេញលេញអំពីកាត ឬលេខកូដសម្ងាត់របស់អ្នកឡើយ។
