លេខសម្ងាត់មានសារៈសំខាន់ខ្លាំងណាស់សម្រាប់ធ្វើប្រតិបត្តិការលើ Sathapana Mobile ។ ធនាគារ ស្ថាបនា នៅតែលើកទឹកចិត្តឱ្យលោកអ្នកប្រើប្រាស់ដោយ មិនចែករំលែកលេខសម្ងាត់ទៅកាន់នរណាម្នាក់ឡើយ។ បង្កើតលេខសម្ងាត់ដែលរឹងមាំ ដែលតម្រូវពីធនាគារ ហើយទុកជាព័ត៌មានផ្ទាល់ខ្លួនតាមដែលអាចធ្វើទៅបាន។ លេខសម្ងាត់មិនគួររក្សាទុកនៅក្នុងឧបករណ៍ដែលមិនមានសុវត្ថិភាពហើយសូមធ្វើការផ្លាស់ប្តូរលេខសម្ងាត់ជាទៀងទាត់។

សូមកុំឆ្លើយតបនឹងសារអេឡិចត្រូនិចណាដែលមិនច្បាស់លាស់ជាមួយនឹងការស្នើសុំព័ត៌មានផ្ទាល់ខ្លួន ឬ ព័ត៌មានហិរញ្ញវត្ថុរបស់លោកអ្នក។ សូមមេត្តាជ្រាបថាធនាគារ ស្ថាបនា នឹងមិនធ្វើការស្នើសុំព័ត៌មានផ្ទាល់ខ្លួន របស់អតិថិជនតាមរយៈសារអេឡិចត្រូនិច ឬ ការផ្ញើរសារនោះឡើយ។

បើសិនជាលោកអ្នកគិតថាព័ត៌មានផ្ទាល់ខ្លួន ឬ ព័ត៌មានហិរញ្ញវត្ថុរបស់លោកអ្នកត្រូវបានបែកធ្លាយ និងមានប្រតិបត្តិការណាមួយដែលមិនបានអនុញ្ញាតពីលោកអ្នក សូមធ្វើការទាក់ទងមកកាន់ធនាគារភ្លាមៗតាមរយៈលេខ (០២៣ | ០៨១) ៩៩៩ ០១០ ។ សូមប្រាកដថាព័ត៌មានទំនាក់ទំនងរបស់លោកអ្នកដែលផ្តល់មកធនាគារគឺត្រឹមត្រូវ និងអាចទាក់ទងបាន។

សូមអនុវត្តវិធានការសុវត្ថិភាពទាំងនេះនៅពេលដំឡើងកម្មវិធី នៅលើឧបករណ៍របស់លោកអ្នក៖

• ដំឡើងកម្មវិធីដែលជាកម្មវិធីផ្លូវការរបស់ App stores ​ប៉ុណ្ណោះ។ កម្មវិធីដែលមិនផ្លូវការអាចជាកម្មវិធីក្លែងក្លាយដែលអាចទាញយកព័ត៌មានរបស់លោកអ្នកបាន។កម្មវិធីផ្លូវការបស់ App stores មានដូចជា Apple App Store ឬ Google Play Store.
• ដំឡើងកម្មវិធី software ចុងក្រោយទៅលើឧបករណ៍របស់លោកអ្នក
• នៅពេលចាប់ផ្តើមដំឡើងកម្មវិធី សូមចង់ចាំពីសិទ្ធដែលផ្តល់ឲ្យ

ត្រូវបង្កើនសុវត្ថិភាពជាជាងការសោកស្តាយ។ សូមអនុវត្តវិធានការសុវត្ថិភាពទាំងនេះ នៅពេលដំឡើងកម្មវិធី នៅលើឧបករណ៍របស់អ្នក៖

• សូមអានព័ត៌មានលម្អិតនៃប្រតិបត្តិការនៅក្នុងសារបញ្ជាក់ឲ្យបានច្បាស់លាស់។ ត្រូវប្រាកដថា សារដែលទទួលបានគឺត្រឹមត្រូវទៅតាមប្រតិបត្តិការដែលបានស្នើសុំ។ ឧទាហរណ៍ៈ សូមពិនិត្យមើលលេខគណនីរបស់លោកអ្នកឱ្យត្រឹមត្រូវ។
• សូមត្រួតពិនិត្យការចូលប្រើប្រាស់ចុងក្រោយ និងប្រវត្តិប្រតិបត្តិការជាប្រចាំឱ្យបានទៀងទាត់ ។
• បើសិនជាលោកអ្នកកត់សម្គាល់ឃើញប្រតិបត្តិការណាដែលមិនស្គាល់ប្រភពក្នុងគណនីរបស់លោកអ្នកសូមជូនដំណឹងដល់យើងខ្ញុំភ្លាមៗតាមរយៈលេខ +855 (0) 23/81 999 010 ឬ អ៊ីម៉ែលcustomercare@remove-this.sathapana.com.remove-this.kh
• ធ្វើការត្រួតពិនិត្យទូរស័ព្ទដៃរបស់លោកអ្នកឱ្យបានទៀងទាត់ដោយប្រើប្រាស់កម្មវិធីកម្ចាត់មេរោគ និង spyware។
• សូមរក្សារព័ត៌មានផ្ទាល់ខ្លួនជាការសម្ងាត់ចំពោះគេហទំព័រណាដែលលោកអ្នកមិនស្គាល់ច្បាស់។
• ត្រូវប្រាកដថាលោកអ្នកអាន និងអនុវត្តតាមការណែនាំដោយប្រុងប្រយ័ត្នមុននឹងប្រើប្រាស់សារ OTP (One Time Password) របស់លោកអ្នក។