បង់​ពន្ធ​បាន​គ្រប់​ពេល​វេលា គ្រប់​ទី​កន្លែង តាម​រយៈ​ធនាគារ ស្ថាបនា

រាជ​ធានី​ភ្នំពេញ, ថ្ងៃ​ព្រហស្បតិ៍ ទី០៨ ខែមេសា ឆ្នាំ២០២១ – ធនាគារ ស្ថាបនា បាន​ប្រកាស​ដំណើរ​ការ​ជា​ផ្លូវ​ការ​ជា​មួយ​ក្រសួង​សេដ្ឋកិច្ច និងហិរញ្ញវត្ថុ ក្នុង​ការ​ដាក់​ឱ្យ​ប្រើ​ប្រាស់​សេវា​ទូ​ទាត់​ពន្ធ​លើ​អចលន​ទ្រព្យ​តាម​បណ្តា​បញ្ជរ​សាខា ធនាគារ ស្ថាបនា និង Sathapana Mobile យ៉ាង​ងាយ​ស្រួល និង​ឆាប់​រហ័ស​បំផុត។

កិច្ច​សហការ​នេះ​បាន​អនុញ្ញាត​ឱ្យ​អតិថិជន​ធ្វើ​ការ​ទូ​ទាត់​បង់​ពន្ធ​តាម​រយៈ​ធនាគារ ស្ថាបនា នៅ​តាម​បញ្ជរ​គ្រប់​បណ្តា​សាខា និង Sathapana Mobile បាន​ដោយ​សុវត្ថិភាព និង​រហ័ស​បំផុត។ សេវា​បង់​ពន្ធ​នេះ​រួម​មាន៖ ពន្ធមធ្យោបាយដឹកជញ្ជូន និងយានជំនិះ, ពន្ធសហគ្រាស (ពន្ធប្រចាំខែ និងពន្ធប្រចាំឆ្នាំ), និងពន្ធអចលនទ្រព្យ ដែលអតិថិជនអាចទូទាត់នៅតាមបណ្ដាសាខា ធនាគារ ស្ថាបនា ទៅក្នុងគណនីសាខាពន្ធដារខណ្ឌក្នុងរាជធានីភ្នំពេញ និងរាជធានីខេត្តទាំង២៤ ដែលមាននៅ ធនាគារ ស្ថាបនា។

ដោយឡែក អតិថិជននឹងទទួលបានភាពងាយស្រួលក្នុងការទូទាត់ប្រាក់ពន្ធប្រចាំខែ និងប្រចាំឆ្នាំ ដោយគ្រាន់តែបង់ប្រាក់ទៅកាន់លេខគណនីណាមួយរបស់ពន្ធប្រចាំខែ ឫប្រចាំឆ្នាំ តាមរយៈកម្មវិធីទូរស័ព្ទរបស់ពន្ធដារ និងធ្វើការទូទាត់ប្រាក់ពន្ធ តាមរយៈ Sathapana Mobile ។ ធនាគារ នឹងនៅតែយកចិត្តទុកដាក់ និងបន្តអភិវឌ្ឍន៍បច្ចេកវិទ្យាធនាគារឌីជីថលរបស់ខ្លួនឱ្យឈានមុខគេ និងប្រកបដោយភាពច្នៃប្រឌិតជូនអតិថិជន ដើម្បីទទួលបាននូវបទពិសោធន៍ដ៏ទំនើបសម្បូរបែបបំផុត។

អំពីធនាគារ ស្ថាបនា
ធនាគារ ស្ថាបនា ជាធនាគារពាណិជ្ជឈានមុខគេមួយក្នុង ព្រះរាជាណាចក្រកម្ពុជាដែលមាន ទ្រព្យសកម្ម សរុបលើស២ពាន់លានដុល្លារអាមេរិក និងមានបុគ្គលិកច្រើនជាង ៤០០០នាក់។  ធនាគារមានបណ្តាញសាខាច្រើនជាង ១៧៣ទីតាំងនិងអេធីអឹមជាង ២៣០កន្លែងទូទាំងប្រទេស ដែលមានសមត្ថភាពពេញលេញដូចជាដាក់ប្រាក់ ដកប្រាក់ និងធ្វើការទូទាត់ប្រាក់។ ធនាគារ ផ្តល់ជូនអតិថិជននូវសេវាកម្មធនាគារពេញលេញ រួមមាន សេវាឥណទាន សេវាបញ្ញើ iBanking ប្រព័ន្ធធនាគារតាមទូរស័ព្ទដៃ ប័ណ្ណឥណពន្ធនិងឥណទាន សេវាផ្ទេរប្រាក់ក្នុង និងក្រៅប្រទេស Western Union ហិរញ្ញវត្ថុពាណិជ្ជកម្ម និងសេវាផ្សេងៗទៀតជាច្រើន។ លើសពីនេះ ធនាគារមានការផ្តល់សេវាកម្មប្រមូលពន្ធគ្រប់ប្រភេទ ការបង់កម្រៃសេវាសាធារណៈជាមួយក្រសួងសាធារណការ និងដឹកជញ្ជូន ក្រសួងការងារ និងបណ្តុះបណ្តាលវិជ្ជាជីវៈ និងការសហការ ជាមួយក្រុមហ៊ុនផ្ទេរ និងទូទាត់ប្រាក់តាមរយៈទូរស័ព្ទរួមមានដូចជា វីង ផាយផេ ទ្រូម៉ាន់នី លីហួរវេរលុយ អ៊ី-ម៉ាន់នី និង បាគង ដើម្បីផ្តល់នូវភាពងាយស្រួល និងឆាប់រហ័សដល់អតិថិជន។

Makes Your Life Better