កម្ម​វិធី​ពិសេស ២០០លានរៀល ផ្តល់​ជូន​អតិថិជន​ពី​ធនាគារ ស្ថាបនា

រាជធានីភ្នំពេញ, ថ្ងៃទី០៣ ខែមិថុនា ឆ្នាំ២០២០ - ដើម្បី​លើក​ទឹក​ចិត្ត​ជូន​ដល់​អតិថិជន ដែល​បង្កើត​គណនី អនឡាញ តាម​រយៈ Sathapana Mobile ធនាគារ ស្ថាបនា បាន​ដាក់​ចេញ​នូវ​កម្ម​វិធី​ផ្តល់​ជូន​ពិសេស ដែល​មាន​កញ្ចប់​ទឹក​ប្រាក់​សរុប ២០០ លានរៀល សម្រាប់​អតិថិជន​ចាស់​និង​អតិថិជន​ថ្មី។

សេវា​បើក​គណនី អនឡាញ របស់​ធនាគារ ស្ថាបនា ផ្តល់​ជូន​នូវ​បទ​ពិសោធ​ធនាគារ​ដ៏​ទាន់​សម័យ និង​ភាព​ងាយ​ស្រួល​ជូន​អតិថិជន​ក្នុង​ការ​បើក​គណនី​ធនាគារ​នៅ​គ្រប់​ពេល​វេលា គ្រប់​ទី​កន្លែង ក្នុង​យុគសម័យ​ឌីជីថល​និង​សង្គម​ដ៏​មមា​ញឹក​នាសម័យ​បច្ចុប្បន្ន។ Sathapana Mobile មាន​មុខ​ងារ​ដ៏​សម្បូរ​បែប​ដូច​ជា ផ្ទេរ​ប្រាក់​ក្នុង​និង​ក្រៅ​ប្រទេស បង់​វិក្កយបត្រ(ទឹក ភ្លើង សំរាម និង​សេវា​ផ្សេងៗ​ទៀត) ប័ណ្ណ​វីសា​និមិ្មត បញ្ចូល​លុយ​ទូរស័ព្ទ និង​មុខ​ងារ​សំខាន់ៗ​ទៀត​ជា​ច្រើន។

ដើម្បី​ចូល​រួម​ក្នុង​កម្ម​វិធី​ពិសេស “ទទួល​បាន​ម្នាក់ ៤.០០០រៀល រាល់​ការ​ណែ​នាំ​និង​បើក​គណនី អនឡាញ” អតិថិជន​ទាំង​អស់​ត្រូវ​អនុវត្ត​តាម ៤ ជំហាន​ងាយៗ​ដូច​ខាង​ក្រោម៖
១. អ្នក​ណែ​នាំ​តម្រូវ​ឲ្យ​មាន​គណនី​ជា​មួយ​ធនាគារ ស្ថាបនា ជា​មុន​សិន
២. ណែ​នាំ​អតិថិជន​ថ្មី​ឲ្យ​ទាញ​យក​កម្មវិធី Sathapana Mobile និង​បង្កើត​គណនី អនឡាញ
៣. ពេល​បើក​គណនី អនឡាញ អតិថិជន​ថ្មី​ត្រូវ​បញ្ចូល​លេខ​គណនី​របស់​អ្នក​ណែ​នាំ​ក្នុង​ប្រអប់ “ព័ត៌មានអ្នកណែនាំ”
៤. បន្ទាប់​ពី​អតិថិជន​ថ្មី​បង្កើត​គណនី​បាន​ដោយ​ជោគជ័យ​អ្នក​ណែនាំ​និង​អតិថិជន​ថ្មី​នោះ​នឹង​ទទួល​បាន​ប្រាក់​រង្វាន់​ចូល​គណនីម្នាក់ ៤.០០០រៀល ឬ​ទឹក​ប្រាក់​សម​មូល​ទៅ​តាម​រូបិយប័ណ្ណ​របស់​គណនី។


អតិថិជន ស្ថាបនា ដែល​បាន​ណែ​នាំ​កាន់​តែ​ច្រើន​ទទួល​បាន​ប្រាក់​រង្វាន់​កាន់​តែ​ច្រើន ចំណែក​អតិថិជន​ថ្មី​ដែល​បាន​ដាក់​ប្រាក់ ២០ដុល្លារអាមេរិក ចូល​គណនី អនឡាញ នឹង​ទទួល​បាន ២ដុល្លារអាមេរិក បន្ថែម​ទៀត។

សម្រាប់​ព័ត៌មាន​បន្ថែម​សូម​ទាក់​ទង​មក​កាន់​ផ្នែក​ប្រតិបត្តិការ​ទំនាក់​ទំនង​អតិថិជន៖ ០២៣/០៨១ ៩៩៩ ០១០ បម្រើ​សេវា​កម្ម ២៤/៧ ឬ ទំព័រ​ហ្វេស​ប៊ុក​របស់​ធនាគារ ស្ថាបនា (Sathapana Bank)។

 

អំពីធនាគារ ស្ថាបនា
ធនាគារ ស្ថាបនា ជា​ធនាគារ​ពាណិជ្ជឈាន​មុខ​គេ​មួយ​ក្នុង​ព្រះរាជាណាចក្រកម្ពុជា ដែល​មាន​ទ្រព្យ​សកម្ម​សរុប​លើស ១,៧ ពាន់​លាន​ដុល្លារ​អាមេរិក និង​មាន​បុគ្គលិក​ច្រើន​ជាង ៤.០០០នាក់។ ធនាគារ​មាន​បណ្តាញ​សាខា​ច្រើន​បំផុត​ទី​២ ជា​មួយ​នឹង​ចំនួន​សាខា​ច្រើន​ជាង ១៧០ទីតាំង  និង​អេធីអឹម​ជាង ២២០​កន្លែង ដែល​មាន​សមត្ថភាព​ពេញ​លេញ​ដូច​ជា​ដាក់​ប្រាក់ ដកប្រាក់ និង​ធ្វើ​ការ​ទូ​ទាត់​ប្រាក់។ ធនាគារ​ផ្តល់​ជូន​អតិថិជន​នូវ​សេវាកម្ម​ធនាគារ​ពេញ​លេញ រួម​មាន សេវាឥណទាន សេវាបញ្ញើ iBanking ប្រព័ន្ធ​ធនាគារ​តាម​ទូរស័ព្ទដៃ ប័ណ្ណ​ឥណពន្ធ​និង​ឥណទាន សេវា​ផ្ទេរ​ប្រាក់​ក្នុង និង​ក្រៅ​ប្រទេស Western Union ហិរញ្ញវត្ថុ​ពាណិជ្ជកម្ម និង​សេវា​ផ្សេងៗ​ទៀត​ជាច្រើន។ លើស​ពី​នេះ ធនាគារ​ក៏​បាន​ធ្វើ​ការ​សហការ​ជា​មួយ​ក្រុម​ហ៊ុន​ផ្ទេរ​និង​ទូទាត់​ប្រាក់ តាម​រយៈ​ទូរស័ព្ទ រួម​មាន​ដូច​ជា វីង ផាយផេ ទ្រូម៉ាន់នី លីហួរ​វេលុយ អ៊ី-ម៉ាន់នី និង​បាគង ដើម្បី​ផ្តល់​នូវ​ភាព​ងាយ​ស្រួល​ដល់​អតិថិជន។