ធនាគារ​ ស្ថាបនា​ បង្កើន​ដើម​ទុន​ចុះ​បញ្ជីរ​ហូត​ដល់​ ១៥០​ លាន​ដុល្លារ​សហរដ្ឋ​អាមេរិក

ភ្នំពេញ​ ថ្ងៃ​ទី​ ១៨​ ខែ​មីនា​ ឆ្នាំ​២០១៩​ -​ ធនាគារ​ ស្ថាបនា​ ភីអិលស៊ី​ មាន​សេចក្ដី​រីករាយ​ដោយ​សូម​ធ្វើ​ការ​ប្រកាស​អំពី​ការ​បង្កើន​ដើម​ ទុន​ចុះ​បញ្ជីរបស់​ខ្លួន​បន្ថែម​ទៀត​ ចំនួន​ USD​ ៣០​ លាន​ (សាមសិប​លាន​ដុល្លារ​សហរដ្ឋ​ អាមរិក)​ បន្ទាប់​ពី​ទទួល​បាន​ការ​អនុញ្ញាត​ជា​ផ្លូវ​ការ​ពី​ ធនាគារ​ជាតិ​ នៃ​កម្ពុជា​ នា​ថ្ងៃ​ទី​ ១៥​ ខែ​មីនា​ ឆ្នាំ​២០១៩។ 

ជា​មួយ​នឹង​ការ​តាំង​ចិត្ត​យ៉ាង​មោះ​មុត​ និង​ការ​បង្ហាញ​ពី​ចំណាប់​អារម្មណ៍​ពី​សំណាក់​ក្រុម​ហ៊ុន​ MARUHAN​ Investment​ Asia​ Pte.​ Ltd.​ (“MIA”)​ ដែល​ជា​ភាគ​ទុនិក​របស់​ធនាគារ​ក្នុង​ការ​រក្សា​ នូវ​ កំរិត​ដើម​ទុន​ចុះ​បញ្ជីឲ្យ​បាន​គ្រប់​គ្រាន់​ និង​ក្រោយ​ពី​ការ​ទទួល​បាន​ជោគ​ជ័យ​នូវ​ការ​បំពេញ​ រាល់​នីតិ​វិធី​បន្ថែម​ដើម​ទុន​ចុះ​បញ្ជី​ចំនួន​ USD​ ៣០ លាន​ (សាម​សិប​លាន​ដុល្លារ​សហរដ្ឋ​ អាមេរិក)​នេះ​ ដើម​ទុន​ចុះបញ្ជី​សរុប​របស់​ធនាគារ​បាន​កើន​ឡើង​ដល់​ USD​ ១៥០ លាន (មួយ​រយ​ហាសិប​លាន​ដុល្លារ​សហរដ្ឋ​អាមេរិក) គិត​ចាប់​ពី​ថ្ងៃ​ទី​ ១៥​ ខែ​មីនា​ ឆ្នាំ​២០១៩​ ដែល​ដើម​ទុន​នេះ​នឹង​ប្រើប្រាស់​សម្រាប់​ការ​អភិវឌ្ឍ​​បន្ថែម​នូវ​អាជីវកម្ម​របស់​ធនាគារ ។ 

ការ​ពង្រីក​ដើម​ទុន​ចុះ​បញ្ជី​  នឹង​ធ្វើ​អោយ​ធនាគារ​ ស្ថាបនា​ អាច​បោះ​ជំហាន​បន្ត​ទៅ​មុខ​ក្នុង​ ការ​ពង្រឹង​អាជីវកម្ម​ រួម​ទាំង​ការ​ពង្រីក​ទំហំ​ឥណទាន​ ក៏​ដូច​ជា​ការ​ធ្វើ​ទំនើប​កម្មប្រព័ន្ធ​ធនាគារ​  ដើម្បី​បំពេញ​តម្រូវ​ការ​ និង​ស្រប​តាម​បែប​បទ​ជីវិត​រស់​នៅ​របស់​អតិថិ​ជន​ ដែល​អតិថិ​ជន​ទាំង​ នេះ​ បាន​និង​កំពុង​ប្រើប្រាស់​ប្រកប​ដោយ​ការ​ជឿ​ទុក​ចិត្ត​នូវ​សេវា​កម្ម​របស់​ធនាគារ​ ស្ថាបនា​ តាម​រយៈ​បណ្ដាញ​ដ៏​ច្រើន​ និង​រឹង​មាំ​នៅ​ទូទាំង​ប្រទេស​ ដោយ​រួម​មាន​សាខា​ធនាគារ​ចំនួន​ ១៧២​ ទូ​អេធីអឹម (ATMs) ចំនួន​១៤៧​ ដែល​ភ្ជាប់​ជា​មួយ​នឹង​បច្ចេក​វិទ្យា​ចុង​ក្រោយ​បំផុត​នៃ​ ម៉ាស៊ីន​បង្វិល​សាច់​ប្រាក់​ (Cash​ Recycling​ ATMs)​ ក៏​ដូច​ជា​ធនាគារ​អេឡិចត្រូនិក​តាម​រយៈ​ ប្រព័ន្ធ​អ៊ិនធើណេត​ និង​តាម​រយៈ​ទូរស័ព្ទ​ដៃ​ (internet/​mobile​ banking)​ ប័ណ្ណ​ឥណពន្ធ​ និង​ប័ណ្ណឥណ​ទាន​ប្រភេទ​វីសា​ (Visa Card)​ និង​សេវា​ផ្សេង​ៗ​ទៀត។ 

ឆ្លើយ​តប​ទៅ​នឹង​ការដាក់​បន្ថែម​ដើម​ទុន​ចុះ​បញ្ជីថ្មី​នេះ​ លោក​ លឹម អូន ដែល​ជា​ប្រធាន​នាយក​ ប្រតិបត្តិ​ធនាគារ​ ស្ថាបនា​  មាន​ប្រសាសន៍​ថា ៖ ឆ្លង​កាត់​បទ​ពិសោន​ធ្វើ​ការ​ក្នុង​វិស័យ​ធនាគារ​ ជាង​២០​ឆ្នាំ​កន្លង​មក​ ប្រព័ន្ធ​ហិរញ្ញវត្ថុ​នៅ​ប្រទេស​កម្ពុជា​ គឺ​ពោរ​ពេញ​ទៅ​ដោយ​សក្ដានុពល​ និង​បន្ត​អភិវឌ្ឍ​ពី​​មួយ​ថ្ងៃ​ទៅ​មួយ​ថ្ងៃ​ឥត​ឈប់​ឈរ។​ ខ្ញុំ​ពិត​ជា​មាន​មោទន​ភាព​ដែល​បាន​ក្លាយ​ ជា​ចំណែក​មួយ​របស់​ធនាគារ​ ស្ថាបនា​ ដែល​ជា​ធនាគារ​មួយ​ក្នុង​ចំណោម​ធនាគារ​ឈាន​មុខ​គេ​ និង​ដែល​អាច​ផ្ដល់​នូវ​សេវាកម្ម​ពេញ​បរិបូរណ៍​ជូន​ដល់​អតិថិជន​គ្រប់​ស្រទាប់​វណ្ណៈ ​ទាំង​នៅ​តាម​ ទីជន​បទ​ ឬ​ទី​ក្រុង​ និង​ជា​ពិសេស​ក៏​អាច​ត​ភា្ជប់​ទៅ​នឹង​ពិភព​លោក​តាម​រយៈ​ផលិត​ផល​ដ៏​ទំនើប​ នា​នា​របស់​ធនាគារ​ ដែល​បាន​ឆ្លុះ​បញ្ចាំង​ទៅ​នឹង​ពាក្យ​ស្លោក​របស់​យើង​ “ស្ថាបនា​ ធ្វើអោយ​ ជីវិត​លោក​អ្នក​កាន់​តែ​ប្រសើរ”។ បន្ថែម​ពី​នេះ​ លោក​ លឹម អូន ​ក៏​សូម​សំដែង​នូវ​ការ​ដឹង​គុណ​ ចំពោះ​ ធនាគារ​ជាតិ​ នៃ​កម្ពុជា​សម្រាប់​ការ​សហការ​ និង​ការ​អនុញ្ញាត​ចំពោះ​ការ​បន្ថែម​ដើម​ទុន​ ចុះ​បញ្ជី​នេះ​ផង​ដែរ។ 

ជា​ទី​បញ្ចប់​ ការ​បន្ថែម​ដើម​ទុន​ចុះ​បញ្ជី​នេះ​ គឺ​បាន​បង្ហាញ​ពី​ទំនុក​ចិត្ត​ និង​ការ​តាំង​ចិត្ត​ចូល​រួម​ របស់​ក្រុម​ហ៊ុន​ MARUHAN​ Investment​ Asia​ Pte​. Ltd.​ (“MIA”)​ ដែល​ជា​ភាគ​ទុនិក​របស់​ ធនាគារ​ ចំពោះ​ការ​អភិវឌ្ឍ​វិស័យសេដ្ឋកិច្ច​ និង​ទទួល​ស្គាល់​នូវ​ស្ថេរភាព​របស់​ប្រទេស​កម្ពុជា​ ក៏​ដូច​ជា​សញ្ញាណ​ដ៏​ល្អ​បញ្ជាក់​អំពី​ជំហាន​លូត​លាស់​ និង​ការ​អភិវឌ្ឍ​​របស់​ធនាគារ​ ស្ថាបនា​ ផង​ដែរ៕

Makes Your Life Better