ការ​បង្កើត​គណនី​ធនាគារ​កាន់​តែ​ងាយ​ស្រួល​ជា​មួយ ធនាគារ ស្ថាបនា

ភ្នំពេញ ថ្ងៃទី១១ ខែឧសភា ឆ្នាំ២០២០ - ធនាគារ ស្ថាបនា បាន​ប្រកាស​ដាក់​ឲ្យ​ដំណើរ​ការ​ជា​ផ្លូវ​ការ​សេវា​បង្កើត​គណនី​ធនាគារ​អនឡាញ តាម​រយៈ​កម្ម​វិធី​ធនាគារ​តាម​ទូរស័ព្ទ​របស់​ខ្លួន ហើយ​កម្ម​វិធី​នេះ​នឹង​ធ្វើ​ឲ្យ​ការ​បង្កើត​គណនី​ធនាគារ ជា​មួយ​ធនាគារ​ ស្ថាបនា កាន់​តែ​មាន​ភាព​ងាយ​ស្រួល​ជាង​មុន​មួយ​កម្រិត​ទៀត។

ការ​មាន​គណនី​ជា​មួយ​ធនាគារ​ដែល​មាន​អាជ្ញាប័ណ្ណ និងកេរ្តិ៍ឈ្មោះ ដូចជា ធនាគារ ស្ថាបនា គឺ​មាន​សារៈ​សំខាន់​ណាស់​ក្នុង​ការ​គ្រប់​គ្រង​ហិរញ្ញវត្ថុ​ផ្ទាល់​ខ្លួន​ប្រកប​ដោយ​ភាព​ប្រុង​ប្រយ័ត្ន និង​អនុញ្ញាត​ឱ្យ​ម្ចាស់​គណនី​ទទួល​បាន​សេវាកម្ម​ធនាគារ​ដ៏​សម្បូរ​បែប ព្រម​ទាំង​ទំនុក​ចិត្ត​ខ្ពស់​ផង​ដែរ ដោយ​ពួក​គាត់​អាច​ដឹង​ថា​ទ្រព្យ​សម្បត្តិ​របស់​ខ្លួន​ត្រូវ​បាន​ការ​ពារ​យ៉ាង​មាន​សុវត្ថិភាព។

ជា​មួយ​នឹង​មុខ​ងារ​ថ្មី​ដែល​មាន​នៅ​ក្នុង​កម្មវិធី​ធនាគារ​តាម​ទូរស័ព្ទ​ដៃ​របស់​ខ្លួន (Sathapana Mobile) ធនាគារ ស្ថាបនា បាន​ធ្វើ​ឲ្យ​ការ​បង្កើត​គណនី​ធនាគារ​កាន់​តែ​សាមញ្ញ និង​ងាយ​ស្រួល ដោយ​ចំណាយ​ពេល​ត្រឹម​តែ​ប៉ុន្មាន​នាទី​ប៉ុណ្ណោះ។

ដើម្បី​ទទួល​បាន​អត្ថ​ប្រយោជន៍​ពី​គណនី​ធនាគារ ស្ថាបនា អតិថិជន​គ្រាន់​តែ​ទាញ​យក​កម្មវិធី​ធនាគារ​តាម​ទូរស័ព្ទ​ដែល​មាន​ឈ្មោះ​ថា Sathapana Mobile ទៅ​ក្នុង​ទូរស័ព្ទ​ដៃ​របស់​ពួក​គេ  ដែល​មាន​នៅ​ក្នុង​កម្មវិធី App Store  ឬ  Play Store ហើយ​អនុវត្ត​តាម​ការ​ណែ​នាំ​ងាយៗ​ក្នុង​ការ​បង្កើត​គណនី​ធនាគារ​ដោយ​គ្រាន់​តែ​ប្រើ​លេខ​ទូរស័ព្ទ​ឬ​អត្តសញ្ញាណប័ណ្ណ​សញ្ជាតិ​ខ្មែរ​សម្រាប់​ពលរដ្ឋ​កម្ពុជា ឬ​លិខិត​ឆ្លង​ដែន​សម្រាប់​ជន​បរទេស។

ដោយ​ចំណាយ​ពេល​តែ​ប៉ុន្មាន​នាទី​ប៉ុណ្ណោះ អតិថិជន​ក៏​អាច​បើក​គណនីធនាគារ​មួយ​បាន និង​អាច​ចាប់​ផ្ដើម​ប្រើ​សេវាកម្ម​ធនាគារ​របស់ ធនាគារ ស្ថាបនា បាន ដែល​មាន​ដូច​ជា ការ​ទូទាត់​វិក្កយបត្រ​ចំណាយ សេវា​ផ្ទេរ​ប្រាក់​ក្នុង និង​ក្រៅ​ប្រទេស ការ​ផ្ទេរ​ប្រាក់​ទៅ​ដៃ​គូសហការ​ដូច​ជា វីង ផាយផេ ទ្រូម៉ាន់នី លីហួរវេរលុយ អ៊ីម៉ាន់នី និងបាគង និងសេវាកម្មផ្សេងៗទៀតជាច្រើនទៀត។

លោក លឹម អូន ប្រធាន​នាយក​ប្រតិបត្តិ​នៃ​ធនាគារ ស្ថាបនា បាន​មាន​ប្រសាសន៍​ថា៖  «ដោយ​សារ​ចំនួន​អ្នក​ចូល​រួម​ក្នុង​ប្រព័ន្ធ​ហិរញ្ញ​វត្ថុ​ផ្លូវ​ការ​មាន​ការ​កើន​ឡើង​ជា​លំដាប់ ធនាគារ ស្ថាបនា បាន​នឹង​កំពុង​ខិត​ខំ​ជម្រុញ​ការ​អភិវឌ្ឍន៍​ដើម្បី​ធានា​ថា​ដំណើរ​ឆ្ពោះ​ទៅ​រក​ការ​ដាក់​បញ្ចូល​ហិរញ្ញវត្ថុ និង​ការ​អភិវឌ្ឍ​ប្រទេស​ជាតិ កាន់​តែ​មាន​ភាព​ងាយ​ស្រួល​បំផុត​តាម​ដែល​អាច​ធ្វើ​ទៅ​បាន។ តាម​រយៈ​ការ​ប្រើ​ប្រាស់​បច្ចេកវិទ្យា​ឌីជីថល​ទំនើប​ចុង​ក្រោយ​នេះ  បាន​ធ្វើ​ឲ្យ​ការ​បង្កើត​គណនី​ធនាគារ​នៅ​ប្រទេស​កម្ពុជា  ជាពិសេស​មួយ​ធនាគារ ស្ថាបនា កាន់​តែ​សាមញ្ញ ងាយស្រួល និងចំណេញពេលវេលា។»

លោក លឹម អូន បាន​បន្ថែម​ទៀត​ថា៖ «លោក​អ្នក​អាច​បើក​គណនី​ធនាគារ​បាន​យ៉ាង​ងាយ​ស្រួល ពី​គ្រប់​ទី​កន្លែង ប្រកប​ដោយ​សុវត្ថិភាព​ខ្ពស់ តាម​រយៈ​កម្មវិធី​ធនាគារ​តាម​ទូរស័ព្ទ​ដៃ (Sathapana Mobile) របស់ ធនាគារ ស្ថាបនា ដែល​មាន​នៅលើ​ទូរស័ព្ទដៃ ដោយ​មិន​ចាំ​បាច់​ធ្វើ​ដំណើរ​ទៅ​សាខាធនាគារ​នោះ​ឡើយ។»

ជា​មួយ​គណនី​ធនាគារ​អនឡាញ អតិថិជន​អាច​ធ្វើ​ប្រតិបត្តិការ​បាន​២៥០ដុល្លារអាមេរិក​ក្នុង​មួយ​ប្រតិបត្តិការ ប៉ុន្តែ​អតិថិជន​អាច​ប្ដូរ​គណនី​ប្រភេទ​នេះ ឱ្យ​ទៅ​ជា​គណនី​ដែល​អាច​ធ្វើ​ប្រតិបត្តិការ​ជា​មួយ​ទំហំ​ទឹក​ប្រាក់​ធំ​ជាង​មុន​បាន​យ៉ាង​ងាយ​ស្រួល ដោយ​គ្រាន់​តែ​ធ្វើ​ដំណើរ​ទៅ​កាន់​សាខា​ធនាគារ ស្ថាបនា ណា​មួយ​ក៏​បាន ក្នុង​ចំណោម​សាខា​ច្រើន​ជាង ១៧០ទីតាំង នៅ​ទូ​ទាំង​ព្រះរាជាណាចក្រកម្ពុជា ហើយ​ភ្ជាប់​មក​ជា​មួយ​នូវ​ទូរស័ព្ទដៃ ដែល​បាន​ប្រើ​ពេល​បើក​គណនី អនឡាញ នោះ ព្រម​ទាំង​អត្តសញ្ញាណប័ណ្ណសញ្ញាតិ​ខ្មែរ ឬ​លិខិត​ឆ្លង​ដែន​ជា​ការ​ស្រេច។

បន្ថែម​ពី​នេះ​ទៀត ចាប់ពីថ្ងៃទី១៣ ខែឧសភា តទៅ  ធនាគារ ស្ថាបនា នឹង​ផ្តល់​ជូន​អតិថិជន​នូវ​ជម្រើស​ថ្មី​មួយ​ទៀត នោះ​គឺ​ការ​បើក​គណនី​ធនាគារ តាម​រយៈ​ការ​ជួប​ផ្ទាល់​ជា​មួយ​បុគ្គលិក​ធនាគារ ស្ថាបនា ដែល​នឹង​ចុះ​ទៅ​ដល់​គេហដ្ឋាន ឫ​កន្លែង​ធ្វើ​ការ​របស់​អតិថិជន ដើម្បី​បើក​គណនី​ធនាគារ​ជូន​ពួក​គាត់​នឹង​អាច​ដំនើរការ​បាន​ភ្លាមៗ​តែ​ម្តង។

អំពីធនាគារស្ថាបនា

ធនាគារ ស្ថាបនា ជា​ធនាគារ​ពាណិជ្ជ​ឈាន​មុខ​គេ​មួយ​ក្នុង​ព្រះរាជាណាចក្រកម្ពុជា ដែល​មាន​ទ្រព្យ​សកម្ម​សរុប​លើស ១.៧ ពាន់​លាន​ដុល្លារ​អាមេរិក និង​មាន​បុគ្គលិក​ច្រើន​ជាង ៤.០០០នាក់។ ធនាគារ​យើង​ខ្ញុំ​ជា​ធនាគារ​ដែល​មាន​បណ្តាញ​សាខា​ច្រើន​បំផុត​ទី២ ជា​មួយ​នឹង​ចំនួន​សាខា​ច្រើន​ជាង ១៧០ទីតាំង  និងអេធីអឹមជាង ២២០គ្រឿង ដែល​មាន​សមត្ថភាព​ពេញ​លេញ​ដូច​ជា​ដាក់​ប្រាក់ ដក​ប្រាក់ និង​ធ្វើ​ការ​ទូ​ទាត់​ប្រាក់។ យើង​ខ្ញុំ​ផ្តល់​ជូន​អតិថិជន​នូវ​សេវាកម្ម​ធនាគារ​ពេញ​លេញ រួមមាន សេវាឥណទាន, សេវាបញ្ញើ សេវាiBanking សេវាធនាគារតាមទូរស័ព្ទដៃ, ប័ណ្ណឥណពន្ធនិងឥណទាន, សេវាផ្ទេរប្រាក់ក្នុងនិងក្រៅប្រទេស Western Union ហិរញ្ញប្បទានពាណិជ្ជកម្ម និងសេវាផ្សេងៗទៀតជាច្រើន។ លើសពីនេះ ធនាគារ​ក៏​បាន​ធ្វើ​ការ​សហការ​ជា​មួយ​ក្រុម​ហ៊ុន​ផ្ទេរ​និង​ទូ​ទាត់​ប្រាក់​មួយ​ចំនួន​ទៀត​​ដូច​ជា វីង ផាយផេ ទ្រូម៉ាន់នី លីហួរវេលុយ អ៊ីម៉ាន់នី និងបាគង ដើម្បី​ផ្តល់​នូវ​ភាព​ងាយ​ស្រួល​ដល់​អតិថិជន។

Makes Your Life Better