ទំនួលខុសត្រូវលើកិច្ចការងារសង្គមរបស់ស្ថាបនា
គោលបំណងនៃប្រព័ន្ធគ្រប់គ្រងនិរន្តរភាពសង្គម និងបរិស្ថានគឺដើម្បីផ្តល់នូវគ្រោងការណែនាំសំរាប់ ធនាគារ ស្ថាបនា ភីអិលស៊ី ដើម្បីអោយស្ថាប័នមានប្រតិបត្តិការប្រកបដោយនិរន្តរភាព និងប្រកបដោយទំនួលខុសត្រូវខ្ពស់ នឹងមិនមានផលប៉ះពាល់លើបរិស្ថាន និងសង្គម។ ចំណុចបន្ទាប់នឹងរាបរាប់អំពីគោលការណ៍ប្តេជ្ញាដែលត្រូវបានរៀបចំឡើងសម្រាប់ស្ថាប័ន និងដំណើរការអភិវឌ្ឍន៍ជានិរន្តរ។
បរិស្ថាន
ធនាគារ ស្ថាបនា ភីអិលស៊ី មានកាតព្វកិច្ចដ៏ធំជាមួយម្ចាស់ហ៊ុន និងសហគមន៍ដើម្បីធ្វើអោយមានប្រសិទ្ធភាពប្រតិបត្តិការនូវរាល់លទ្ធភាពដែលយើងអាចធ្វើបានសម្រាប់ការរួមចំណែកក្នុងការកាត់បន្ថយផលប៉ះពាល់បរិស្ថាន។ រាល់ប្រាក់ទុនមិនគួរត្រូវបានប្រើប្រាស់ដោយការដឹងជាមុននិងចេតនាក្នុងការផ្តល់ឥណទានទៅអោយសហគ្រាសដែលចូលរួមឬពាក់ព័ន្ធនឹងសកម្មភាពត្រូវបានហាមឃាត់ក្រោមច្បាប់កម្ពុជារាប់បញ្ចូលទាំងការកេងប្រវ័ញ្ចលើទម្រង់ពលកម្ម ឬពលកម្មកុមារការជួញដូរផលិតផលសត្វព្រៃខុសច្បាប់ការផលិតផលឬជួញដូរសម្ភារៈដែលមានផ្ទុកសារធាតុវិទ្យុសកម្មឬសារធាតុគីមីគ្រោះថ្នាក់លើសកំណត់ផ្សេងៗ។
សង្គម
ធនាគារ ស្ថាបនា ភីអិលស៊ី ជឿជាក់យ៉ាងមុតមាំថា ក្រុមហ៊ុនពិតជាអាចទទួលខុសត្រូវក្នុងការគាំទ្រសហគមន៍ក្នុងដំណើរការប្រតិបត្តិ “សុខភាពល្អ” និងភាពជោគជ័យដោយអាស្រ័យលើការពឹងពាក់គ្នាទៅវិញទៅមករវាងភាគីទាំងសងខាង។
ស្ថាបនាសម្រេចបានជោគជ័យត្រចះត្រចង់នេះបានដោយសារ៖
ធានានូវរាល់សកម្មភាព ដែលអនុលោមទៅតាមតម្រូវការរបស់សហគមន៍ ដោយការផ្តល់នូវផលិតផល និងសេវាកម្មសមស្របដែលត្រូវបានជ្រើសរើស និងអភិវឌ្ឍន៍យ៉ាងយកចិត្តទុកដាក់សម្រាប់តម្រូវការប្រជាជនកម្ពុជាគ្រប់រូប។
ពង្រីកសេវាសហគមន៍ដោយការផ្តល់នូវសេវាផ្សេងៗក្នុងតំបន់ និងសហគមន៍ថ្មីជាច្រើនតាមរយៈការពង្រីកបណ្តាញ ទៅតាមបណ្តាខេត្តនានា ការពង្រីកសេវាប្រាក់បញ្ញើ-សន្សំ និងការផ្តោតសំខាន់នូវរាល់សកម្មភាព ដែលអាចជួយលើកតម្កើនកម្រិតជីវភាពរបស់ប្រជាជនក្នុងតំបន់។
ការបន្តពង្រីកសេវាផ្ទេរប្រាក់ទៅកាន់ស្រុកនានាដើម្បីលើកកម្ពស់កម្រិតជីវភាពប្រជាជន។
ធនាគារ ស្ថាបនា ភីអិលស៊ី អនុវត្តនូវគោលនយោបាយ “ពុំមានការអត់ធ្មត់” នូវរាល់អំពើពុករលួយ ទាំងក្នុង និងក្រៅស្ថាប័ន និងអំពើទាំងឡាយណាដែលខុសច្បាប់។ យើងតែងតែបង្កើតនូវប្រពន្ធ័គ្រប់គ្រងផ្ទៃក្នុងយ៉ាងរឹងមាំ និងផ្សព្វផ្សាយដល់បុគ្គលិកទាំងអស់ដើម្បីទប់ស្កាត់អំពើពុករលួយ។
ធនាគារ ស្ថាបនា ភីអិលស៊ី ពុំផ្សារភ្ជាប់សម្ព័នភាពជាមួយគណបក្សនយោបាយណាមួយនោះទេប៉ុន្តែស្ថាប័នស្វែងរកកិច្ចសហប្រតិបត្តិការ និងធ្វើការក្នុងភាពសុខដុមរមនាជាមួយរាជរដ្ឋាភិបាលដែលត្រូវបានជ្រើសតាំង។
