កម្មវិធីអាហារូបករណ៍ ស្ថាបនា

កម្មវិធីអាហារូបករណ៍ ស្ថាបនា គឺជាគំនិតផ្តួចផ្តើមដ៏ពិសេសមួយក្នុងគោលបំណងផ្តល់នូវការអប់រំប្រកបដោយគុណភាព និងសមធម៌ និងជំរុញការបណ្ដុះបណ្ដាលជាអ្នកដឹកនាំនាពេលអនាគតរបស់ប្រទេសកម្ពុជា តាមរយៈការផ្តល់អាហារូបករណ៍ថ្នាក់បរិញ្ញាបត្រពេញលេញដល់សិស្សានុសិស្សដែលបានបញ្ចប់សញ្ញាបត្រមធ្យមសិក្សាទុតិយភូមិ។​

កម្មវិធីនេះត្រូវបានរៀបចំឡើងដើម្បីគាំទ្រសិស្សានុសិស្សដែលមានទេពកោសល្យ មានឆន្ទៈខិតខំប្រឹងប្រែង ដែលកំពុងស្ថិតក្នុងជីវភាពលំបាក ដើម្បីបន្តការសិក្សានៅសាកលវិទ្យាល័យលំដាប់កំពូលនៅកម្ពុជា ដោយមិនមានការព្រួយបារម្ភពីការចំណាយផ្នែកហិរញ្ញវត្ថុ។ 

តាមរយៈអាហារូបករណ៍នេះ យើងជឿជាក់ថាសិស្សានុសិស្សនឹងអាចអភិវឌ្ឍខ្លួនក្លាយជាយុវជនឆ្នើម ដើម្បីចូលរួមចំណែក​យ៉ាង​មាន​អត្ថន័ក្នុងការអភិវឌ្ឍសង្គមកម្ពុជាឱ្យកាន់តែរីកចម្រើន។