ប័ណ្ណឥណពន្ធវីសា

ប័ណ្ណឥណពន្ធវីសា ស្ថាបនា អនុញ្ញាតឱ្យអ្នកចូលទៅកាន់គណនីបញ្ញើរបស់លោកអ្នក។ ជាមួយ ប័ណ្ណឥណពន្ធវីសា ស្ថាបនា លោកអ្នកអាចរីករាយជាមួយនឹងការរស់នៅយ៉ាងងាយស្រួលសម្រាប់ការទិញទំនិញ ញ៉ាំអាហារ និងធ្វើដំណើរកម្សាន្តដោយមិនចាំបាច់ដាក់ប្រាក់តាមខ្លួនឡើយ។

ពិនិត្យមើលសមតុល្យ និងប្រតិបត្តិការរបស់លោកអ្នក

ពិនិត្យមើល និងទាញយកប្រវត្តិប្រតិបត្តិការរហូតដល់ 180 ថ្ងៃសម្រាប់ប័ណ្ណឥណពន្ធវីសា ស្ថាបនា របស់អ្នកតាមរយៈកម្មវិធី ស្ថាបនា ម៉ូបាល និង iBanking។

អាចប្រើជាមួយម៉ាស៊ីនអេធីអឹមនៅទូទាំងពិភពលោក

ប្រើប្រាស់ប័ណ្ណឥណពន្ធវីសាស្ថាបនារបស់លោកអ្នកដើម្បីដកប្រាក់តាមម៉ាស៊ីន អេធីអឹមនៅទូទាំងពិភពលោកគ្រប់ទីកន្លែងដែលទទួលប័ណ្ណវីសា។

ទិញទំនិញតាមអនឡាញទូទាំងពិភពលោក

ប្រើប្រាស់ប័ណ្ណឥណពន្ធវីសាស្ថាបនារបស់លោកអ្នកដើម្បីទិញទំនិញនៅទូទាំងពិភពលោកគ្រប់ទីកន្លែងដែលទទួលប័ណ្ណវីសា។

ថ្លៃសេវាប័ណ្ណ និងសេវាផ្សេងៗ

ខចែង និងលក្ខខណ្ឌ

ខចែង និងលក្ខខណ្ឌនៃប័ណ្ណស្ថាបនាគឺជាកិច្ចព្រមព្រៀងផ្លូវការរវាងម្ចាស់ប័ណ្ណ និងធនាគារ ស្ថាបនា នៅពេលប្រើប្រាស់ប័ណ្ណ។ អ្នកត្រូវតែអានកិច្ចព្រមព្រៀងនេះដោយប្រុងប្រយ័ត្ននៅមុនពេលប្រើប្រាស់ប័ណ្ណ ស្ថាបនា។ តាមរយៈការចុះហត្ថលេខា ឬទទួលយកក្នុងនាមជាម្ចាស់ប័ណ្ណ អ្នកព្រមព្រៀងតាមខចែង និងលក្ខខណ្ឌ និងការជូនដំណឹងទាំងអស់ ដែលមានចែងនៅក្នុងកិច្ចព្រមព្រៀងនេះ ហើយអ្នកត្រូវបានភ្ជាប់កាតព្វកិច្ចដោយលក្ខខណ្ឌទាំងនេះ។ ខចែង និងលក្ខខណ្ឌទូទៅត្រូវបានអនុវត្ត។ អ្នកត្រូវមានកម្មវិធី Adobe Reader ដើម្បីបើកមើលឯកសារ PDF ទាំងនេះ។

មុខងារពិសេស

អត្ថប្រយោជន៍

សំណួរសួរញឹកញាប់

រូបិយប័ណ្ណ រួមបញ្ចូល ដុល្លារអាមេរិក (គណនីចម្បង) ឬប្រាក់រៀល
ធ្វើប្រតិបត្តិការតាមអេធីអឹមដែលមានស្លាកសញ្ញាផ្លឺស (Plus)
ធ្វើប្រតិបត្តិការតាមទូអេធីអឹម/ម៉ាស៊ីនឆូតកាតរបស់ធនាគារ ស្ថាបនា
ធ្វើប្រតិបត្តិការតាមទូអេធីអឹម/ម៉ាស៊ីនឆូតកាតនៅទូទាំងពិភពលោកដែលមានស្លាកសញ្ញា VISA

ការទិញតាមអនឡាញ
ទូទាត់វិក្កយបត្រតាមទូអេធីអឹម/ម៉ាស៊ីនឆូតកាតរបស់ធនាគារ ស្ថាបនា
បញ្ចូលលុយតាមទូអេធីអឹម/ម៉ាស៊ីនឆូតកាតរបស់ធនាគារ ស្ថាបនា
ប្ដូរលេខសម្ងាត់តាមទូអេធីអឹម/ម៉ាស៊ីនឆូតកាតរបស់ធនាគារ ស្ថាបនា

កាន់តែងាយស្រួល និងកាន់តែមានសុវត្ថិភាពដោយការដាក់ប្រាក់តាមខ្លួនតិចតួចជាងមុន
អាចប្រើទូអេធីអឹមរហូត 2លានទីតាំងនៅទូទាំងពិភពលោក
ធ្វើប្រតិបត្តិការជាមួយទូអេធីអឹម ATM Plus នៅទូទាំងពិភពលោក
បទពិសោធទិញទំនិញកាន់តែប្រសើរឡើងជាមួយដោយទទួលបានការបញ្ចុះតម្លៃ និងសិទ្ធិពិសេសនៅហាងដៃគូរាប់រយកន្លែងរបស់ធនាគារ ស្ថាបនា
រីករាយទិញទំនិញនៅហាងលក់ទំនិញជាង40លានទីតាំងនៅទូទាំងពិភពលោក

1.តើអ្វីទៅគឺជាប័ណ្ណឥណពន្ធវីសា ស្ថាបនា?

បណ្ណឥណពន្ធវីសាស្ថាបនា គឺជាបណ្ណដែលអ្នកអាចធ្វើប្រតិបត្តិការ និងដកប្រាក់ពីគ្រប់ទិសទីកន្លែងនៅទូទាំងពិភពលោកដរាបណាស្ថានីយ ឬម៉ាស៊ីនទទួលយកបណ្ណ VISA។ អ្នកក៏អាចប្រើបណ្ណនេះដើម្បីបង់ប្រាក់សម្រាប់បទពិសោធន៍ទិញទំនិញនៅតាមហាងបានដែរ។

2. តើនរណាខ្លះមានសិទ្ធិទទួលបានប័ណ្ណឥណពន្ធវីសា ស្ថាបនា?

គ្រប់ម្ចាស់គណនីសំចៃ ឬ គណនីចរន្ត ដែលមានសិទ្ធិដកប្រាក់របស់ខ្លួនបាន។

3. តើប័ណ្ណនេះខុសពីប័ណ្ណអេធីអឹមរបស់ខ្ញុំយ៉ាងដូចម្តេច?

ប័ណ្ណអេធីអឹមរបស់លោកអ្នកគ្រាន់តែជាប័ណ្ណអេធីអឹមតែប៉ុណ្ណោះមានន័យថាលោកអ្នកអាចប្រើប្រាស់ប័ណ្ណអេធីអឹមសម្រាប់តែធ្វើការដកប្រាក់ពីម៉ាស៊ីនអេធីអឹមតែប៉ុណ្ណោះ។ ចំណែកប័ណ្ណឥណពន្ធវីសាមានអត្ថប្រយោជន៍ជាច្រើន ដោយហេតុថាលោកអ្នកអាចប្រើប្រាស់ប័ណ្ណឥណពន្ធវីសានេះនៅទូទាំងពិភពលោក និងនៅតាមហាងលក់ទំនិញផ្សេងៗ ពោលគឺថាប័ណ្ណឥណពន្ធវីសាមានភាពងាយស្រួលជាងប័ណ្ណអេធីអឹម។

4. តើប័ណ្ណឥណពន្ធវីសា និងប័ណ្ណឥណទានវីសាមានភាពខុសគ្នាដូចម្ដេចខ្លះ?

ប័ណ្ណឥណពន្ធវីសា និងប័ណ្ណឥណទានវីសារបស់លោកអ្នកវាមានតួនាទីប្រើប្រាស់ដូចគ្នា ពោលគឺលោកអ្នកអាចប្រើប្រាស់ប័ណ្ណទាំងពីរនេះសម្រាប់ធ្វើការទូទាត់ការចំណាយផ្សេងៗបានដូចគ្នានៅគ្រាប់ទីកន្លែងដែលទទួលយកប័ណ្ណវីសា។ ភាពខុសគ្នារវាងប័ណ្ណឥណពន្ធវីសា និងប័ណ្ណឥណទានវីសា គឺប័ណ្ណឥណពន្ធវីសាអនុញាតឲ្យ លោកអ្នកចាត់ចែងសាច់ប្រាក់ដោយផ្ទាល់ពីគណនីសន្សំ ឬ គណនីចរន្តរបស់លោកអ្នក។ ចំណែកប័ណ្ណឥណទានវីសាវិញអនុញាតឲ្យលោកអ្នកចាត់ចែងសាច់ប្រាក់ទៅតាមចរន្តសាច់ប្រាក់របស់លោកអ្នក។

5. ទីតាំងសម្រាប់ស្នេីរប័ណ្ណឥណពន្ធវីសា ស្ថាបនា?

សូមអញ្ញើញទៅសាខាធនាគារ ស្ថាបនា ដែលនៅជិតលោកអ្នកជាងគេ។ សូមចុច ទីនេះ ដើម្បីមើលសាខា ធនាគារ ស្ថាបនា ដែលស្ថិតនៅជិតលោកអ្នកជាងគេ។

6. តើត្រូវស្នើសុំប័ណ្ណឥណពន្ធវីសា ស្ថាបនា នៅកន្លែងណា?

សូមបំពេញពាក្យស្នើសុំ និងជ្រើសរើសយកប័ណ្ណឥណពន្ធវីសារបស់ធនាគារ ស្ថាបនា សម្រាប់គណនីបញ្ញើសន្សំ ឬ គណនីចរន្តថ្មី ឬ គណនីដែលមានស្រាប់។

7. តើម្ចាស់ប័ណ្ណអេធីអឹម ស្ថាបនា ដែលមានស្រាប់មានសិទ្ធិស្នើសុំប័ណ្ណឥណពន្ធវីសា ស្ថាបនា បានដែរឬទេ?

ម្ចាស់ប័ណ្ណអេធីអឹម ស្ថាបនា ដែលមានស្រាប់អាចដាក់ពាក្យស្នើសុំប័ណ្ណឥណពន្ធវីសាបាន។

8. ចុះបើគណនីចរន្ត ឬគណនីសន្សំរបស់ខ្ញុំមានហត្ថលេខីពីរនាក់ ឬច្រើននាក់ (គណនីរួម)?

សម្រាប់ម្ចាស់គណនីរួមគ្នាដែលមានលក្ខខណ្ឌ "នរណាម្នាក់ដើម្បីចុះហត្ថលេខាក៏បាន" តម្រូវឲ្យដាក់ពាក្យស្នើសុំប័ណ្ណឥណពន្ធវីសាដោយឡែកពីគ្នា (ដោយសមាជិកដែលបានរួមគណនី)។ ម្ចាស់ប័ណ្ណនិមួយៗទទួលបាន ការអនុញ្ញាតធ្វើឱ្យប្រតិបត្តិការជាមួយនឹងការកំណត់ចំនួននៃការចំណាយផ្សេងៗគ្នា និងតម្រូវឲ្យប្រើប្រាស់លេខសម្ងាត់ និងហត្ថលេខាផ្សេងៗគ្នាផងដែរ។ ចំណែកម្ចាស់គណនីរួមគ្នាដែលមាន "ហត្ថលេខារួមគ្នា" មិនអាចស្នើសុំប័ណ្ណឥណពន្ធវីសារបស់ធនាគារ ស្ថាបនា បានទេ។ មិនមានប័ណ្ណរងសម្រាប់ប័ណ្ណឥណពន្ធវីសារបស់ ធនាគារ ស្ថាបនា ឡើយ។

9. តើខ្ញុំអាចប្រើប្រាស់ប័ណ្ណឥណពន្ធវីសា ស្ថាបនា នៅឯណា និងដោយរបៀបណា?

លោកអ្នកអាចប្រើប្រាស់ប័ណ្ណឥណពន្ធវីសារបស់ធនាគារ ស្ថាបនា នៅគ្រប់ហាងលក់ទំនិញ ដែលមានស្លាក សញ្ញា VISA ដែលមានជាង ៣០លាន ទីកន្លែងនៅទូទាំងពិភពលោក។ លើសពីនេះ លោកអ្នកអាចធ្វើ ប្រតិបត្តិការតាមរយៈម៉ាស៊ីនអេធីអឹមរបស់ធនាគារ ស្ថាបនា នៅក្នុងប្រទេសកម្ពុជា ឬ ម៉ាស៊ីនអេធីអឹមទាំងឡាយ ណាដែលមានស្លាកសញ្ញា VISA Plus នៅក្នុងប្រទេស និងក្រៅប្រទេសទូទាំងពិភពលោក។

10. តើខ្ញុំអាចបន្តសុពលភាពប័ណ្ណឥណពន្ធវីសា ស្ថាបនា ដោយរបៀបណា?

យោងតាមកាលបរិច្ឆេទផុតកំណត់ដែលបង្ហាញនៅលើប័ណ្ណ សូមលោកអ្នកអញ្ជើញទៅកាន់សាខាធនាគារ ស្ថាបនា ដែលនៅជិតជាងដើម្បីស្នើសុំបន្តប័ណ្ណឥណពន្ធវីសារបស់លោកអ្នក។

11. តើខ្ញុំគួរធ្វើដូចម្តេចប្រសិនបើប័ណ្ណរបស់ខ្ញុំបាត់ ឬត្រូវបានចោរលួច?

ប្រសិនបើប័ណ្ណរបស់លោកអ្នកត្រូវបានបាត់ ឬ ត្រូវចោរលួច លោកអ្នកត្រូវតែទំនាក់ទំនងភ្លាមៗទៅកាន់ផ្នែកប្រតិបត្តិទំនាក់ទំនង២៤ម៉ោងរបស់យើងតាមរយៈ +855 23/81 999 010 ដើម្បីបិទប័ណ្ណរបស់លោកអ្នក។ ហើយបន្ទាប់មក សូមលោកអ្នកអញ្ជើញទៅបំពេញទម្រង់បែបបទនៃការលុបចោល និងស្នើសុំធ្នើប័ណ្ណថ្មីនៅសាខាធនាគារ ស្ថាបនា ណាមួយដែលនៅជិតលោកអ្នកជាងគេ។

12. តើខ្ញុំអាចធ្វើដូចម្ដេចប្រសិនបើខ្ញុំចង់បិទដំណើរការប័ណ្ណរបស់ខ្ញុំជាបណ្តោះអាសន្ន?

ប្រសិនបើលោកអ្នកចង់ផ្អាកប័ណ្ណជាបណ្តោះអាសន្ន សូមអញ្ញើញទៅកាន់សាខាធនាគារ ស្ថាបនា ដែលនៅជិត លោកអ្នកជាងគេ ឬ ទំនាក់ទំនងមកកាន់ផ្នែកប្រតិបត្តិទំនាក់ទំនង24ម៉ោងរបស់យើងតាមរយៈ +855 23/81 999 010 ដើម្បីស្នើសុំផ្អាកប័ណ្ណជាបណ្តោះអាសន្ន។

13. ប្រសិនបើខ្ញុំបញ្ចូលលេខសម្ងាត់ខុស តើមានបញ្ហាអ្វីកើតឡើងដែរឬទេ?

ប្រសិនបើអ្នកបញ្ចូលលេខសម្ងាត់មិនត្រឹមត្រូវចំនួន៣ដង នោះប្រព័ន្ធនឹងផ្អាកប័ណ្ណរបស់អ្នកដោយស្វ័យប្រវត្តិ។ ក្នុងករណីនេះ សូមលោកអ្នកអញ្ញើញទៅកាន់សាខាធនាគារ ស្ថាបនា ដែលនៅជិតលោកអ្នកជាងគេ ឬ ទំនាក់ទំនងមកកាន់ផ្នែកប្រតិបត្តិទំនាក់ទំនង២៤ម៉ោងរបស់យើងតាមរយៈ +855 23/81 999 010 ដើម្បី ស្នើសុំដំណើការលេខសម្ងាត់ឡើងវិញ។

14. តើខ្ញុំគួរធ្វើដូចម្តេចប្រសិនបើខ្ញុំភ្លេចលេខសម្ងាត់របស់ខ្ញុំ?

ប្រសិនបើលោកអ្នកភ្លេចលេខសម្ងាត់ សូមលោកអ្នកអញ្ញើញទៅកាន់សាខាធនាគារ ស្ថាបនា ដែលនៅជិតលោកអ្នកជាងគេដើម្បីស្នើសុំលេខសម្ងាត់ថ្មី។

15. តើខ្ញុំគួរធ្វើដូចម្តេចប្រសិនបើមានប្រតិបត្តិការគិតប្រាក់ពីប័ណ្ណរបស់ខ្ញុំដែលខ្ញុំមិនបានអនុញ្ញាត?

សូមរាយការណ៍ភ្លាមៗទៅកាន់ផ្នែកប្រតិបត្តិទំនាក់ទំនងអតិថិជន +855 23/81 999 010 ដើម្បីទប់ស្កាតប័ណ្ណរបស់លោកអ្នកភ្លាមៗតាមតែអាចធ្វើបាន។ ប្រសិនបើប័ណ្ណរបស់លោកអ្នកត្រូវបានបាត់បង់ត្រូវបានគេលួច ឬ ប្រសិនបើប្រតិបត្តិការក្លែងបន្លំត្រូវបានធ្វើឡើងបន្ទាប់មកលោកអ្នកត្រូវទៅកាន់សាខា ស្ថាបនា ដែលនៅជិតលោកអ្នកជាងគេដើម្បីបំពេញសំណុំបែបបទសេចក្តីប្រកាសអំពីជម្លោះដែលមិនមានការអនុញ្ញាត។

16. តើខ្ញុំគួរធ្វើដូចម្តេចប្រសិនបើគណនីរបស់ខ្ញុំត្រូវគិតកម្រៃលើស?

សូមធ្វើរបាយការណ៍ ឬ ជូនដំណឹងមកកាន់ធនាគារក្នុងកំឡុងពេល 50 ថ្ងៃនៃកាលបរិច្ឆេទប្រតិបត្តិការ ដើម្បីឱ្យធនាគារអាចដោះស្រាយបញ្ហារបស់លោកអ្នកបាន។

17. តើខ្ញុំត្រូវធ្វើអ្វីនៅពេលទទួលបានប័ណ្ណឥណពន្ធវីសា ស្ថាបនា របស់ខ្ញុំ?

សូមចុះហត្ថលេខានៅលើបន្ទះសម្រាប់ចុះហត្ថលេខានៅខាងក្រោយប័ណ្ណ។ បន្ទាប់មក សូមលោកអ្នកប្តូរលេខកូដ PIN តាមរយៈម៉ាស៊ីនអេធីអឹម ឬ ម៉ាស៊ីនឆូតកាតរបស់ធនាគារ ស្ថាបនា ក្នុងកំឡុងពេល 24 ម៉ោង។

18. តើខ្ញុំត្រូវចុះហត្ថលេខា ឬបញ្ចូលលេខសម្ងាត់ដើម្បីអនុញ្ញាតប្រតិបត្តិការរបស់ខ្ញុំដែរឬទេ?

ជាទូទៅ នៅពេលលោកអ្នកប្រើប្រាស់ប័ណ្ណឥណពន្ធវីសាដើម្បីទិញទំនិញលោកអ្នកនឹងតម្រូវឲ្យចុះហត្ថលេខាលើវិកយបត្រដើម្បីធ្វើប្រតិបត្តិការ និងទូទាត់ការចំណាយចេញពីគណនីរបស់លោកអ្នក។ ដោយឡែក ប្រសិនបើលោកអ្នកប្រើប្រាស់ប័ណ្ណឥណពន្ធវីសានៅតាមម៉ាស៊ីនអេធីអឹម លោកអ្នកនឹងតម្រូវឲ្យបញ្ចូលលេខកូដ PIN ដើម្បីធ្វើប្រតិបត្តិការ។

សូមអញ្ជើញមកកាន់សាខារបស់យើងខ្ញុំ

ជួបជាមួយអ្នកជំនាញរបស់យើងដែលនឹងផ្ដល់ការស្វាគមន៍យ៉ាងកក់ក្តៅ និងណែនាំអ្នកអំពីដំណើរការពីដើមដល់ចប់។

ផ្ញើអុីមែលមកយើងខ្ញុំ

សម្រាប់ព័ត៌មានបន្ថែម សូមអុីមែលមកយើងខ្ញុំតាមរយៈ customercare@sathapana.com.kh

ទាក់ទងមកកាន់លេខទូរស័ព្ទទំនាក់ទំនង 24/7 របស់យើង

សម្រាប់ព័ត៌មានបន្ថែម សូមទាក់ទងមកយើងតាមរយៈលេខទូរស័ព្ទ +855 (0) 23 | 81 999 010

ទម្រង់សាកសួរតាមអនឡាញ

សូមបំពេញទម្រង់បែបបទសម្រាប់ព័ត៌មានបន្ថែមនៅទីនេះ ក្រុមការងាររបស់យើងនឹងទាក់ទងទៅកាន់លោកអ្នកឆាប់ៗតាមដែលអាចធ្វើទៅបាន។

Subscribe Newsletter